Það er ekki oft sem bækur hafa víðtæk áhrif í samfélaginu, hvað þá að þær leiði til stríðs. En það var einmitt það sem skáldsagan Uncle Tom's Cabin eftir Harriet Beecher Stowe gerði. Kom hún fyrst út sem framhaldssaga í tímaritinu National Era á árunum 1851-1852. en á bók kom hún fyrst 1852. Í kjölfarið var hún gefin út á bók og var fyrsta upplagið 5000 eintök í tveimur bindum. Á innan við ári hafði sagan selst í þrjú hundruð þúsund eintökum sem hafði aldrei gerst fyrr í Bandaríkjunum, en sagan var jafnframt fyrsta bókin þar í landi sem seldist í yfir milljónum eintaka.

Bókin hafði gríðarleg áhrif, einkum og sér í lagi í Norðurríkunum og í kjölfarið óx baráttunni gegn þrælahaldi fiskur um hrygg. Sagan sem dró ekkert undan sýndi öllum á ljósan og áhrifaríkan hátt hvað þrælahald hefði í för með sér og að þessi ófögnuður gegnsýrði allt samfélagið. Víða í Suðurríkjunum vakti sagan sterk varnarviðbrögð. Voru í kjölfarið skrifaðar margar bækur sem dásömuðu suðrið og reyndu að gefa aðra og jákvæðari mynd af þrælahaldi, en engin þeirra náði þó eyrum fólks eins og saga Harriet.

Við upphaf þrælastríðsins árið 1861 bauð Abraham Lincoln Harriet í Hvíta húsið og þegar þau hittust á Lincoln að hafa sagt: "So you are the little woman who wrote the book that started this great war." (Svo þú ert litla konan sem skrifaði bókina sem leiddi til þessa mikla stríðs.)